Milani i gatshëm të ofroj 120 milionë për mesfushorin Milinkovic Savic

10:47 | 16 Gusht 2018
Arbresh Info

AC Milani është i përgatitur për të shtuar një ofertë madhështore për mesfushorin e Lazios, Sergej Milinkovic-Savic.

Merkato verore e transferimeve në Itali mbyllet të premten dhe sipas një raporti nga ‘Sportmediaset’, presidenti i Lazios – Claudio Lotito është i gatshëm të shes futbollistin serb para përfundimit të afatit kalimtar, transmeton portali arbresh.info.

Lotito do të shes atë për 120 milionë euro të gatshme dhe Milani është afër tarifës së caktuar nga presidenti.

Milani tashmë ka shtruar një ofertë 40 milionëshe për 12 muaj huazim me obligimin për blerjen e tij për 80 milionë euro qershorin e ardhshëm. Megjithatë, presidenti Lotito e ka refuzuar atë.

Por, tani ai është i gatshëm të zbutet nëse Milani rregullon ofertën e tyre brenda 48 orëve të ardhshme./arbresh.info/